Univerisità Liedia de Bulsan
La Università Liedia de Bulsan é situeda te una dles regions europeiches plu atratives, olache l mond economich y cultural todesch y talian se enconta. L trilinguism tla didatica y tla enrescida, l degré aut de internazionalisazion y les strutures a l'avanguardia é carateristiches particolares de unibz, y che porta pro a si plazamenc ezelenc ti rankings nazionai y internazionai.
Informazions y contegnus aprofondis sun l’enrescida, la vita d’université y l trasferiment de savei
“L’importante è suscitare interesse nelle persone”
Pietro Postacchini, ingegnere energetico di unibz, e Giada Cattelan, biologa molecolare di Eurac Res…
Riempire le culle vuote con il “Demeny Voting”
Un’innovazione costituzionale potrebbe arrestare l’inverno demografico italiano? È un’ipotesi, dimos…
Nuove mentalità per nuove varietà
Il cambiamento climatico richiede soluzioni tempestive, anche in agricoltura. Il progetto SUWIR su v…
Facoltés
I son na université de niscia. L'oferta formativa y les arees de enrescida de nosta université joena respidleia si liam sterch con l raion y, tl medem temp, na gran daurida internazionala.
Enrescida
Interdisciplinarité y sostegnibelté y tematiches de interes local y internazional carateriseia l orientament dla enrescida scientifica tles cinch facoltés y ti zentri de competenza de unibz. La enrescida vegn finanzieda con scioldi dl'université y, tres deplù, tres programs de finanziament nazionai y europeics o tres mesi finanziars da terzi.
Biblioteca
Les biblioteches di trei campus de Bulsan, Persenon y Bornech à a desposizion passa 290.000 libri stampés y plu che 450.000 e-book. Ales é enjignedes ite con strutures modernes per ti jì adencontra a duc i debojegns di anuzadours. Passa mez milion de persones al ann se anuzeia di servisc dla biblioteca universitara.
Responsabelté defront al teritore y la sozieté
Dlongia la didatica y la enrescida à unibz n terz dovei fondamental: la enscì dita Terza Miscion. Chesta contribuesc al svilup economich, sozial y cultural dl Südtirol tres colaborazions con les istituzions y organisazions (publiches y privates) plu importantes dl raion.
Chest suzed tres l trasferiment tecnologich y dl savei, les colaborazions con les firmes y nia a la fin tres na oferta rica de cursc per l emparé permanent (JuniorUni, Studium generale y Senior Student Card) y de partnerariat con enc y scomenciadives culturales.