Repartiziun ladinaCun le scomenciamënt dl’ativité universitara tl 1998, él gnü istituì tla Facolté de Sciënzes dla Formaziun a Porsenù inće na Repartiziun ladina, cun le fin de ti pité ai insegnanć ladins na formaziun aposta te deplü lingac. La Repartiziun ladina à döes funziuns prinzipales. De un n vers pîtera na formaziun por maestres y maestri de scora y de scolina, che corespogn ales ghiranzes dl sistem scolastich paritetich adorè tles valades ladines, dl ater vers garantëscera na ativité d’inrescida importanta ti ćiamps dla linguistica ladina y dla didatica tles scores ladines.

La formaziun di maestri y dles maestres de scora y de scolina vëgn tignida te trëi lingac: ladin, todësch y talian, cun laprò la poscibilité de na spezialisaziun tl insegnamënt dl inglesc. Le practicum preodü tratan le stüde vëgn fat dantadöt te scores y scolines dles valades ladines. I proieć scientifics dla Repartiziun ladina reverda suradöt le lingaz ladin y la didatica te n sistem scolastich plurilingual. I colaboradus scientifics y i finanziamënc vëgn en pert dala Université instëssa, en pert da y tres inćiaries a d’atres istituziuns.


Ladinische Abteilung  (in deutscher Sprache)        Sezione Ladina  (in lingua italiana) 


Ejam de ladin 
L ejam de ladin (niveau B2) che muessa fé la studëntes che uel se scrì ite al stude per l Master de Scienzes dla formazion primera tla repartizion ladina, che vën da na scola auta tudëscia o taliana y che ne à nia bele l atestat de triliguism A unirà fat bonamënter ai 15 de setëmber 2011. Per l ejam scrit à i candidac a disposizion 45 menuc. Ëi muessa respuender cun frases ntieres a dumandes scrites che ëi po’ se crì ora per tudesch o talian. La respostes per ladin possa unides scrites te duta la variantes dolomitiches, nce per fascian, per fodom o anpezan. Per se njinië ca al ejam possun se desćiarië l material dala homepage dla provinzia  o diretamënter dala homepage dla Facultà de Scienzes dla Formazion.
A chëi che muessa fé chësc ejam ti uniral mo mandà do la preiscrizion per tëmp y ëura na mail cun la info sun luech, di y ëura dl ejam de ladin.