Practicum La nueva conzezion dl practicum, cunsciderá schiche pert entegranta dla furmazion universitera se damanda la culaburazion danter universitá y scola. Tla scoles y scolines asseniëdes ai studënc vën ëi acumpaniëi da nsenianc "tutor" che se mët a disposizion uluntariamënter per chësta ncëria. Ntan chësta esperiënza á i studënc l'oportunitá de rué plu daujin ala problematiches che reverda la vita de scola y de scolina sibe ti aspec de gestion y urganisaton sibe te chëi de metodologia y didatica.
Ufize dl Practicum L Ufize dl Practicum á la funzion y la responsabilitá de cuurdinamënt y de supervijion dla ativiteies de practicum y se caraterisea sciche puent danter scola y universitá. L Ufize dl Practicum ie metú adum da na grupa de culaboradëures (coordinadëures/supervisors) che fesc de plu sortes de ativiteies: Proietazion dl practicum (riejaminazion di fins, metodologies y criteries de valutazion - costruzion y rielaborazion di materiai de uservazion). Culaborazion pra la ativiteies de preparazion di studënc per l practicum. Ancuntedes cun i Tutors tla singula scoles y scolines per fe óra la modaliteies de partezipazion ala ativiteies didatiches - educatifs y per la reflescion y valutazion dl practicum. Consulënza didatica ai studënc per la programazion de ativiteies didatiches da fe (mëter a ji) tla scoles y scolines. Ejaminazion y valutazion dla documentazion (relazion -Praktikumsbericht) scrita dl practicum (Begutachtung) Cunversazions (Discuscion) individueles cun i studënc per valuté l'esperiënza ntan(via per) l practicum y per fe reflescions sun l'esperiënza fata (efetueda). La coordinadëura dl Practicum dla repartizion ladina Dr Genny Ploner. Regulamënc per l Practicum dla Repartizion Ladina·